Достар, Әлихан Бөкейхан университетінің ресми сайтына қош келдіңіздер!Біз ерекше тарихи кезеңде өмір сүріп жатырмыз: әлем IV өнеркәсіптік революция дәуіріне аяқ басты. Шекарамен белгіленбейтін білім беру кеңістігінің көкжиегі барынша кеңейіп келеді. Оның айғағы – шетелдік университеттердің қазақстандық жоғары оқу орындарында филиалдарының ашылуы. Ұлттық менталитетіміз бен тарихи, мәдени құндылықтарымызды барынша сақтай отырып, өзіндік қолтаңбасы бар іргелі оқу орны болу миссиясына сәйкес, заман үндеуіне бейімделуге міндеттіміз. Ақпараттық технология ағынынан қалыспай, Abai IT-Valley арқылы Жасанды интеллектіні жұмыс стилі, өмір сүру салты ретінде тұтынуына жол ашып, үздік тәжіибелер енгізу жүйесі қарастырылуда. Жасанды интеллект – бүгінгі уақыттың күн тәртібіндегі бірінші мәселе. Алаш көсемі Әлихан Бөкейхан «алда күнді көре білетін ұрпақ келеді», - деп келешекке зор үмітпен сенім артқаны белгілі. Кешегі күні қиял мен арман болған бүгінгі күннің ақиқаты адамзатты жаңа тарихтағы прогреске жетелейді. Тәуелсіздік аңсаған Алаш ардақтыларының идеясын жүйелі түрде ілгерілету басты мақсатымыз бола береді. Білімді ізгілендіру арқылы жоғары кәсіби біліктілігі туралы дипломы бар маман ғана емес кемел Тұлға тәрбиелеу игілікті, аяқталмайтын қызметіміз болып қала береді.

Ізгі тілекпен,
Шырын Курманбаева